أقول هالتراحيب ما توكل عيش
وين ... وين الذبايح والمفاطيح
وين اسدح واصلخ وين دلال صفر ومعاميل
وين البرحي والصقعي
وين الملايين الشعب العربي وين !!!
مااااش الوضع هذا يخليني من الحين أقول لكم ....
السلام عليكم ورحمة الله وبركاته
.
.
.
.
.
.
.
.
.
.
.
الله يحييكم ويسلمكم جميع ويبارك في أعماركم
والمكان منور بهله وأصحابه
الحقيقة خجلتوني يا أخوان بكلامكم الطيب وعطيتوني فوق ما أستحق
لكن الشكر لله أولا ثم لأخوي منايا اللي دعاني وعرفني على هالمحل المبارك وهالوجيه الطيبه
ويشهد الله معرفة الرجال أمثالكم هي الكنز وراس المال
اما الدنيا ماعليها دايم , أبن آدم يفني وياسعد من خلف وراه ذكر بالطيب
ثقتكم فيني وحسن ظنكم يعلم الله زود على الحمل والمسؤليه
ولا أنا اخوكم الصغير ما زيد عليكم ويمكن أقلكم علم وعباده
أسئل الله الواحد الأحد إن يبارك لكم في أعماركم وأعمالكم ويسددنا وياكم بالحق وعلى طريق الحق
ويعينا على نصرة دينه والذب عن سنة نبيه صلى الله عليه وسلم
ولا أستغنى عن توجيهكم وارشادكم فلا تبخلون على بنصايحكم
شاكر لكم جميع ترحيبكم وكرمكم واللي ماهو غريب عليكم فهذي عوايدكم
أسئل الله لي ولكم الستر والعافيه في الدين والدنيا
ويجعل خاتمتنا وياكم على خير
*****
هنا نرحب بالأخ الفاضل قــلم رصــاص ( حياك الله وبياك )
