قصيدة ليبيه تحكي علي بنت جمالها بي حجابها

shokre · 06-29-2006, 02:31 AM

السلام عليكم
والقصة ومافيها ان احني تعودنا ان البنت الجميله هي البنت يلى فاتحه شعرها ولابسه سروال ضيق لكن بصراحة الايام الماضيه فيه بنت صاحبتي بعتتلي صورتها علي الايميل ولما شفتها انصدمت
انصدمت لانها جميله بي حجابها وبي عبايتها السوده والعفه واضحه من وجهها
وقالتلي يا شكري حافظ علي الصورة واحدفها وطولت عليكم
وهذي القصيدة

تقول
بعتت فلانا اليوم صورتها......تمنيت العين ماشافتها

تمنيت عيوني ...... ماشافت عيون فلانا يلى سحروني
فجاءة ولت حالتي بلهوني............حاير في الجسم وفي بسمتها
والنار ولعت بالحق فى مكنوني......من زولها ومن بياض بشرتها
ورموشها سهام سود مارحموني.....ولونهم مظلم كي لون لبستها
وخاطري قال والله لو يعطوني........... الارض بي كنوزها وبي ثروتها
ويعطوني الدهب لين مايملوني......ويقولو بدل الدهب بي صورتها
نضحك عليهم وانقول غير اخطوني.....راكم ماتجو في ربع من ضحكتها
ونقول حتي ان كان بتزيدوني............. السماء بي سحابها وبي غيمتها
وسلطان علي الارض لو بتخلوني........ماننسا يلى متزينا بي عفتها

بعتت فلانا اليوم صورتها......تمنيت العين ماشافتها

ماننساها ........ وكيف ننسا يلى روحي تبات معاها
يلى الخاطر يصيم علي فرقاها.......ويبدا شارق ويسال علي صحتها
يلى بروحي الغاليه نفداها............... وبعمري ومالي والعين بي دمعتها
ياسعده يلى بالحلال خداها..............وتمت عروسه ليه بي رضايتها
وندعي ربي الكريم يلى سواها........وعدلها من تحت لي خسلتها
يبعد سريب الهم علي مدعاها..........وتبدا سعيده دوم في دنيتها
وفي الاخره نبدا انا وياها...............في جنه المولا شاد في ايديتها

بعتت فلانا اليوم صورتها......تمنيت العين ماشافتها

وان شاءالله البنت يلى طلعت عليها القصيدة هدي تعجبها

مع تحيات

شكري

nedalnolimits · 06-29-2006, 02:50 AM

ياسلام ايش هالشاعر الروعه مين الي كتب هالكلام أههااااااا عرفناه حبيبنا شكري صاحب الابداع والتألق .....

shokre · 06-29-2006, 03:07 AM

خيييييييييييييييير يا كورة مشكوررررررررررررررر علي الرد الجميل و المشجع وانت إللي مبدع ومتألق في هذا المنتدي الرائع إللي يستاهل أكثر
تحياتي

ساندي بيل · 07-01-2006, 02:16 AM

لا هنت أخوووي شكري ..

وليش مانزلت الموضوع في القسم الخاص يالشعر وهمس القوافي ؟؟!

تسلم كلماات حلووه ..إستمتعنا بالقصه والشعر

ساندي

shokre · 07-01-2006, 04:17 AM

ههههههههه
شكراً اختي ساندي علي المرور الكريم بس والله العتب علي النظر
وأهم شي إنك إستمتعتي بالقصيده
تحياتي لك مني كل الإحترام و التقدير

محمد نجيب · 07-08-2006, 02:37 AM

رائع ياخ شكرى قصيدة جميلة فعلا..

من اى مدينة فى ليبيا انت ياخى شكرى..
تحياتى لك.

قصيدة ليبيه تحكي علي بنت جمالها بي حجابها

الأسرية العامة

قصيدة ليبيه تحكي علي بنت جمالها بي حجابها

الأسرية العامة