(( قصيدة اجهلك )) ..
اجهلك ..ولي سنين اتخيلك..!!
القاك في بعض الوجيه .. ويمرني طيفك واجيه..
ياباكر اللي اجهله ..ارقتني الاسئله ..
وابطى العمر يستعجلك ..
اجهلك ..ولي سنين اتخيلك ..
بالعيوب وبالمزايا .. بالالم ..
لامن هجرتي يجتاحني ظلوع وحنايا..
اتخيل شكوكك وظنك .. اتخيل التقصير منك ..
حتى الجفا اتخيله ..وكيف انا باتحمله ..واتحملك ..
اجهلك ولي سنين اتخيلك..
وجهك اللي قد حبسته .. داخلي في غمضة عيوني..
واللي ياما قد رسمته .. من عبث طيشي وجنوني ..
وجهك اللي دوم يظهر ..لما القى نشوة الفكره الجديده..داهتمني..
لما القى انكساراتي قصيده واكتبتني..
وجهك اللي دوم يظهر في اعاصيري وسكوني
في الجبال الشاهقه في اجمل خيالي
في السفوح الخافقه بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملامح
بالنهار في بسمته .. بالضيا اللي في وروده
بالعبوس في غضبته..بالتضاريس ةحدوده
من جنوحه في البها ..لين اقصى نقطه في كاسر جماله..
للعذوبه من شروق النور في ضيه..
للشعر في غروبه..
من شطوط الكحل في عيونك لنحرك
من بياض الثلج في خدك لجمر(ن) قاد في ثغرك..
وجهك اللي ما ابد يوم لمحته..او عرفته
لي سنين اتخيله واتخيلك
ياللي كلي بك معرفه واجهلك
ما اصعبك ..كيف الاقيك..
ما اسهلك..لو الاقيك..
ياللي دوم اتخيلك
مملكة حسن الزمن
وانا الملك ..!!
للمبــــــــدع
(( عبد الرحمن بن مساعد ))
|
