تقول لي وينك
تقـول لـي وينـك وويـن أشـعـارك
وشفيك عنا صرت تخف شعورك
مـن عقـب كنـا كاتميـن اســرارك
ونشـوف ماتخفيـه بيـن سـطـورك
ومـن عقـب كنـا ملهميـن أفكـارك
وما تكتبـه فينـا عجـب جمهـورك
ابطيت عني مـا سمعـت أخبـارك
وذلـك شهـر مــازاورن طـيـورك
قلت ارفق ارفـق لاتزيـد أوزارك
وليـاك تظلـم فــي شـهـادة زورك
مانـي قريـبٍ لـك ولانــي جــارك
ولانتب جحا واولا بلحمـة ثـورك
وإن كان تبغـا العـدل باستذكـارك
شف دوري بحبـك وناظـر دورك
عن قرب داري لك نحيت بـدارك
ومن كثر شوقي كـل يـوم آزورك
رميت روحي مـع هديـر أنهـارك
وأغرقتهـا فـي غيهبـات بـحـورك
وشحيت حتى في عبيـر أزهـارك
ياحول حتـى فـي عبيـر زهـورك
و اعلنت ضـدي حالـة استنفـارك
وباعلـى مراقيبـك تحـط سـبـورك
عجـزت اقـاوم حملـة استعـمـارك
وارهيت بـي سكينـك وساطـورك
ومن قلبـي المكلـوم خـذت بثـارك
ولا دريـــت الا وانـــا مـوتــورك
الـعـام تكـويـنـي بـجـمـرة نـــارك
واليـوم تطبخـنـي عـلـى دافــورك
يا صاحبـي يومـك بنيـت جـدارك
تـراك فـي قلبـي بنيـت قـصـورك
ما سرنـي شجبـك ولا استنكـارك
وجيشٍ حشدته صف في طابورك
لا قلت ابا اتحمل يزيد اصـرارك
واليا نويت اصبر يزيـد غـرورك
وما عاد لي صبرٍ على استهتارك
مـا دام عـن عينـي تغطـى نـورك
ولا عاد باقـي معـي مـن تذكـارك
الا بقـايـا صـورتــك وعـطــورك
وان قلت لي وينك ووين اشعارك
اقـول رحنـا تحـت مـوج بحـورك
خالد محمد المنصور
منقول
|
